Сябры! Альбом "Засьпявайма ўсе як адзін - дзень настаў Хрыстовых Радзін" - выдадзены!
Яго можна набыць тут:
https://gusliby.bandcamp.com/album/za-piavajma-sie-jak-adzin
- спампаваць альбом у лічбе
- замовіць флэшку альбо CD поштай (+ лічба ў дадатак)
- а таксама можна набыць прыгожыя магніты на лядоўню з малюнкамі Андрэя Строцава
У альбом увайшлі 15 калядных песень з Італіі, Гішпаніі, Нямеччыны, Польшчы, Францыі, Латвіі, Даніі, Румыніі ў перакладах выбітных беларускіх паэтаў сучаснасці: Сяржука Сокалава-Воюша, Макса Шчура, Андрэя Хадановіча, Наталлі Васілевіч, Аляксея Крукоўскага і, канешне, я таксама далучыўся да гэтай слаўнай кампаніі.
Альбом запісаны на студыі Everest у Паўла Сінілы. Які цудоўна адчуў і перадаў усё чараўніцтва гучання гусляў і спалучэнне нашых с Таней галасоў.
Малюнак на вокладцы аўтарства Андрэя Строцава, у якога атрымалася ўкласці неверагодны сімвалізм у такую, здаецца, простую калядную сцэну.
—
Дзякуй Арцёму Прышчэпаву за дапамогу ў выданнні.
P.S. Таксама альбом можна будзе набыць на нашых канцэртах у Беларусі і Польшчы (хутка з'явіцца афіша).